Hey!! What's up, everyone!! Share your internship fun in this blog!!: 誰說跟黨的人是去做打雜的?!!!!

我係跟工黨張超雄既FISH，想當年briefing year3既前人話跟黨都係影下印打下雜咁，真係唔可以信，係就係雜，因為咩野都要做，簡單至更新網站，麻煩至 literature review，呢種都只係office work，仲有既係要出賣勞力，連design都要做！感想係過程當然有開心有唔開心啦，但係呢一個新體驗係幾好玩 >3<！

街站真係超級超級辛苦，從而令我決定之後見到傳單都接。宣傳六四係第一次街站，亦都係最差果次，比較多街坊態度差。反填海，真係估唔到民X聯既FANS會走黎罵人，最嬲既係有個話左我3次既紫衫呀伯罵＂你地呢民主黨咩都反對…(下刪萬字)＂我就同佢講左3次我係工黨架。果時會覺得嬲但係依家諗返上黎都真係好好笑架。六四同七一街站就係叫人捐錢，六四第一次會覺得好害羞，到左七一就無咩所謂啦，已經面皮厚到不可思議。

六四當日的街站，風大雨大，仲要企係黃Ｘ民同人力中間，發夢都聽到打倒中共

街站就係有人牛頭不搭馬嘴，亂罵一通，唔洗理佢地，忘記又好當笑話又好，最緊要係會有靚仔行埋黎同我講＂你加油呀＂，嘻嘻嘻。係有人罵既同時，會有人主動行埋黎對我笑或者好似靚仔咁出聲支持，咁就夠啦。

仲要分享我LAST DAY七一街站，我估唔到自己需要做一個壯丁由灣仔搬物資去金鐘，物資多到有一架VAN仔都仲要5個壯丁…幾經辛苦返到金鐘office仲要數錢，第一次見到錢山，好似M記薯條山咁，數到個人勁興奮，可惜D錢唔係我既，百感交集。最慘係負責人話我係唯一一個女仔佢會叫我搬野，唉。不過最開心係佢話某大學既2個人＂X街咁早走…巴啦巴啦巴啦＂，相信有部份同學都有體會過有部份別校實習生只得PASS同FAIL，而佢地係令人好嬲，但係總會有人睇到，做好自己總會有人讚好 >< ！

咁之前講仲要做埋DESIGN，其實係幫手諗一個活動俾MEDIA 6月23影相，最後係拎左去6月16反填海遊行用，永遠要做好趕工準備。

靚靚彩底白字手印BANNER，要創意有創意，要美觀有美觀，最開心係人地掛出黎

我地係到錄歌，雖然最後我地決定要唔想開名的男仔唱哂XD，我負責剪，仲要俾人話有talent，開心XD

永遠都估唔到大佬叫我地做咩，從來覺得自己美工不行，design不行，但係去做先會發現都係做到既。在此hardsell一下，http://www.youtube.com/watch?v=NKU5nmhhtwU，改自年少無知的高官忘智，呢段片係我實習中最後一個產物，又係百感交集。

最後，以生活照做為完結唄。