我在勵行會做回收的日子！！！

我在基督教勵行會 社會企業部的實習終於在教育展的活動後劃上完美的句號。

實習生和義工們的合照

在這一個多月的時間，我和呂子都被安排往勵行會實習。真係好開心可以有尼一段時間的經歷，令我係當中有好多得著！

勵行會是我排第一位置的實習機構，好多人都唔明我點解去NGO實習，"係都梗係離開香港，或者去商台個的啦，咁先好玩又學到野架嘛！"  我都唔否定其它的intern會更好玩，更加學到野。不過應該無人好似我地咁成間公司的運作都差唔多知道哂，做過哂！

NGO同其它的大公司唔同，佢地只有有限的資源和人力物力，佢地需要經常想辦法節省成本，所以每個人係勵行會都身兼數職，絕對唔係單單處理一項工作就可以。正因為這個原因，我地實習的同學都被安排接觸唔同的工作，務求令到所有員工都能夠物盡其用HAHA

勵行會的社會企業部主要的工作是經營一個社會企業，其實就是一盤生意，將所得到的資源和利潤用以支持自身勵行會的社會服務作一些人道支援工作。而我地的主要工作就是回收社區各地的物資，有些會直接捐贈有需要的人仕，有些就會以低於市價七成的價錢於勵行站發售，幫助社會上的低下階層。而我地係實習的時間有試過幫手落區回收物資、有試過搬貨、有試過跟貨車、有試過做文書工作、有試過幫手搞活動，就連勵行站的售貨員我地都做埋，真係聽到都覺得精采！

我最感恩的係我地勵行會的supervisor俾左好多機會我地去試去學去做，好多工作例如教育展的活動佢都會叫埋我地一齊去諗idea，一齊去安排，對我地充滿信心，令到我們的想法都可以講出黎，絕對唔會係個種上司安排工作，下屬就執行的關系。我地實習生同supervisor甚至係勵行會的員工都可以好似朋友咁傾計，一齊去玩，真係好難得！

在勵行會尼段時間，除左讓我們都可以更加了解到一間NGO的運作，了解到如何進行資源調配，甚至令我對"環保"尼兩個字都有了重新的看法！希望下年的year 2同學如果仲有機會選勵行會都可以考慮下啦哈哈

HSBC回收活動

勵行會

偉翔,14/07/2013